नवी दिल्ली : गुजरातमध्ये भाजपचे ऐतिहासिक विजय संपादन केला. हिमाचल प्रदेशमध्ये काँग्रेसने भाजपला धक्का दिला. बुधवारी दिल्ली महापालिका निवडणुकांमध्ये ‘आप’ला बहुमत मिळाले. पण, गुजरातमधील निवडणुकीत मिळालेल्या मतदानाच्या आधारे राष्ट्रीय पक्षाचा दर्जा मिळवण्याचा मार्ग मोकळा झाला आहे. उत्तर प्रदेशातील लोकसभा पोटनिवडणुकीत समाजवादी पक्षाला यश मिळाले आहे. त्यामुळे सध्या तरी सर्वपक्षीय सेलिब्रेशन सुरू आहे.
गुजरातमध्ये भाजपचा विजय होणार असल्याचा अंदाज व्यक्त करण्यात आला होता. काँग्रेसनेही निवडणुकीत फारसा जोर लावला नव्हता. आम आदमी पक्षाने प्रचाराची राळ उडवून वातावरण निर्मिती केली होती. मात्र, भाजपने रेकोर्डब्रेक विजय मिळवत सगळ्यांनाच धक्का दिला. भाजपला हिमाचल प्रदेशमधून पायउतार व्हावे लागणार आहे. हिमाचलमध्ये भाजप आणि काँग्रेसमध्ये चुरशीची लढत दिसून आली. हिमाचल प्रदेशमध्ये काँग्रेसने बहुमताचा आकडा गाठला असल्याने आता तिसऱ्या राज्यात काँग्रेसची सत्ता येणार आहे.
गुजरातमध्ये आम आदमी पक्षाने सुमारे 13 टक्के मिळाली आहेत. या मतांमुळे आप पक्षाला राष्ट्रीय पक्ष म्हणून दर्जा मिळवण्याचा मार्ग मोकळा झाला आहे. ‘आप’ची दिल्ली आणि पंजाबमध्ये सत्ता असून गोवा विधानसभा निवडणुकीतही लक्षणीय मते घेतली होती. दिल्ली महापालिकेत मागील 15 वर्षांपासून भाजपची सत्ता होती. दिल्ली महापालिकेची मुदत संपल्यानंतर केंद्र सरकारने दिल्लीतील तीन महापालिकांचे विलीनीकरण करून एकच महापालिका स्थापन केली. त्यानंतर दिल्ली महापालिका निवडणुका पार पडल्यात. या निवडणुकीत ‘आप’ने चांगली कामगिरी करत बहुमत मिळवले.